मह जात्रा पोर्चुगलको सम्पूर्ण तयारी पुरा

मह जात्रा पोर्चुगलको सम्पूर्ण तयारी पुरा 

लिस्बन , १० मे २०१६ - एनआरएनए पोर्चुगलको आयोजनामा हुनलागेको महजात्रा-२०१६ कार्यक्रमको सम्पूर्ण तयारी पुरा भएको जानकारी कार्यक्रमका संयोजक तथा एनआरएनए पोर्चुगलका अध्यक्ष भिम केसी कमलले जानकारी दिएको  छ l

नेपाली सुत्केरी महिलाहरुको आङ्ग खस्ने रोग निवारणका लागी सहयोग संकलनार्थ एनआरएन केन्द्रिय महिला बिभागको बिशेष आमन्त्रणमा युरोप भ्रमणमा रहेका कलाकारहरु मदनकृष्ण श्रेष्ठ तथा हरिबंश आचार्य लगायतका कलाकारहरुको संयुक्त प्रस्तुतिका लागी राजधानी लिस्बनमा आगामी २२ मे का दिन एनसीसी पोर्चुगलले बिशेष कार्यक्रमको आयोजना गरेको कुरा अध्यक्षले जानकारी दिए l 

एनआरएनए पोर्तुगलको प्रमुख आयोजना तथा नेपाली महाबाणिज्य दूत लिस्बन साथै जुन्ता फर्गेसिया दा आरोईसको सहयोगमा हुन लागेको उक्त महजात्रा -२०१६ कार्यक्रममा पोर्चुगलबाट संचालित नेपाली भाषी अनलाइन मिडियाहरुको समेत सहयोग रहेको छ जसमा तपाइको आवाज डट कम, नमस्ते नेपाली डट कम, नेपाल पोर्चुगल डट कम, सिमानापारि डट कम, नेपाली वेभ डट कम, युरोप संसार डट कम, दृस्टीनेपाल डट कम, फेस नेपाल डट कमको समेत प्रचार-प्रसारमा सहयोग रहेको कुरा अध्यक्ष केसीले जानकारी दिएको छ l बिसुद्ध सामाजिक भावना लिएर आयोजना गरिएकोले उक्त कार्यक्रम बाट प्राप्त रकम एनआरएनए पोर्चुगलको कल्याणकारी कोष अन्तर्गत प्रयोग गरिने भएको छ l 

कार्यक्रमलाई मर्यादित तथा अनुशासित बनाउने उद्देश्यले बिशेष उप-समितिहरु समेत गठन गरिएको छ जसमा टिकट तथा प्रचार प्रसार समिति, ब्यबस्थापन समिति, अतिथि तथा भीआइपीहरु र दर्शकहरुको ब्यबस्थापनको लागि उपाध्यक्ष सुनिल संगम, शम्भु गौतम तथा राजन शेरचनको संयोजकत्वमा उपसमितिहरु गठन गरि कार्य बाडफाँड गरेको छ l 

हल ब्यबस्थापन, साउण्ड सिस्टम ब्यबस्थापन लगायतका टेक्निकल कार्यको सबै काम तयारी पुरा रहेको र अब मात्र टिकट बिक्रि बितरण र प्रचार प्रसारको काम तिब्र चलेको कुरा उपसमितका संयोजक सुनिल संगमले जानकारी दिएको छ l 

आयोजकले उक्त कार्यक्रमका लागी करिव एक हजार टिकट बिक्रि गर्ने सोच लिएको छ भने कार्यक्रम हलको क्षमता पनि एक हजार माथि रहेको छ l जुन्ता फर्गेसिया दा आरोइस लिडिल आन्जुस नजिक रहेकाले धेरै नेपाली दर्शकहरुको उपस्थिति रहने कुरामा ढुक्क छन एनआरएनए पोर्तुगलका पदाधिकारीहरु l 

टिकट सार्वजनिक तथा बितरण कै पहिलो दिन ३०० टिकट बिक्रि भैसकेको जानकारी अध्यक्षले दिए भने १ हजार टिकट बिक्रि हुनेमा उनि ढुक्क छन l महाजात्रा-२०१६ का लागी कलाकारहरु मे २० तारिक लिस्बन आउने, २२ तारिक प्रहसन र मे २४ तारिक फर्कने कार्यक्रम रहेको छ l 

कार्यक्रम सफल बनाउनका लागी आयोजक एनआरएन पोर्चुगलले पोर्चुगलमा रहेका सम्पूर्ण जिम्मेवार नेपाली दिदिबहिनी तथा दाजुभाईहरुमा बिशेष अनुरोध समेत गरेका छ l